Gürcüstan, Tbilisi, 28 yanvar / Trend , müxbir N.Kirsxaliya/
Ötən ilin sonunda Gürcüstanın Azərbaycandakı səfiri postuna təyin edilmiş Vano Noniaşvili istefa verib. Diplomat vəzifəsindən getmək barədə ərizə verib. Bu barədə Gürcüstan XİN-nin İctimaiyyətlə Əlaqələr Departamentinin rəhbəri İi Maxaraşvili Trend -a bildirib.
Gürcüstan Prezidenti Mixail Saakaşvili səfirin ərizəsini təsdiqləyib.
XİN-nin məlumatına görə, hazırda Azərbaycanda Gürcüstanın səfiri postuna heç kim təyin olunmayıb.
Noniaşvili səfir postuna parlament tərəfindən noyabrın 17-də təsdiq olunmuşdu. Əvvəllər o, Gürcüstan Prezidenti Administrasiyasının mətbuat xidmətinə rəhbərlik edib.