Gürcüstan, Tbilisi, 02 mart / Trend , müxbir N.Kirsxaliya/
Misirin xarici işlər naziri Əhməd Əbülqeytin Gürcüstana səfəri məsələsi Gürcüstanın XİN rəhbərinin müavini Aleksandr Nalbandovun Misirin Gürcüstandakı səfiri Vəhidəddin İsmayıl Cəlalla görüşündə müzakirə olunub.
XİN-in Mətbuat və Çap Departamentindən Trend -a bildirildiyi kimi, Misirin xarici işlər nazirinin Gürcüstana səfəri mayın 25-nə planlaşdırılır.
Bundan əlavə, tərəflər görüşdə beynəlxalq təşkilatlarda qarşılıqlı əməkdaşlıq məsələsini və ikitərəfli əməkdaşlığın dərinləşmə perspektivlərini müzakirə ediblər.