Gürcüstan, Tbilisi, 17 mart / Trend , müxbir N.Kirsxaliya/
Bu gün Gürcüstan-Rusiya məsələsi Parisdə müzakirə olunacaq. Fransa paytaxtında AŞ PA-nın Monitorinq və Siyasət Komitəsinin iclası keçiriləcək.
Gürcüstan nümayəndə heyəti artıq Parisdədir.
Müzakirələrin əsas mövzusu gürcü-rus münaqişəsi və onun nəticələri olacaq.
Həmçinin tərəflərin AŞ qətnamələrində nəzərdə tutulan öhdəlikləri nə dərəcədə yerinə yetirməsi nəzərdən keçiriləcək.
Gürcüstanlı deputatların məlumatına görə, onların məqsədi komitə üzvlərini Rusiyanın öz üzərinə düşən öhdəlikləri yerinə yetirməməsi haqqında həqiqi rəy hazırlamaq üçün Gürcüstanın işğal olunmuş regionlarına səfər etməyə razı salmaqdır.