Gürcüstan, Tbilisi, 30 mart / Trend , müxbir N.Kirsxaliya/
Gürcüstanın Baş naziri Nika Qilauri aprelin 8-9-da Qazaxıstana səfər edəcək. Baş nazirin mətbuat katibi Nikoloz Msedlişvilinin Trend -a verdiyi məlumata görə, Qilauri Gürcüstan hökumətinin nümayəndə heyətinə başçılıq edəcək.
Astanaya səfər çərçivəsində iqtisadi məsələlər üzrə Gürcüstan-Qazaxıstan hökumətlərarası komissiyasının iclası keçiriləcək. Qilaurini hökumətin iqtisadi blokunun nazirləri müşayiət edəcək.
Səfər zamanı Qaxaxıstan Prezidenti və Baş naziri ilə görüş nəzərdə tutulur. "Hazırda görüşün dəqiq qrafiki razılaşdırılır", - Msedlişvili qeyd edib.