Azərbaycan Prezidentinin mətbuat katibi Azər Qasımovun Day.Az üçün şərhi
- Azər müəllim, Azərbaycan Respublikası Prezidenti İlham Əliyevin Moskvaya səfəri və 9 may bayramı ilə əlaqədar keçiriləcək bayram tədbirlərində iştirakı planlaşdırılırmı?
- Rusiya Prezidenti Dmitri Medvedevin dəvəti ilə Azərbaycan Prezidenti İlham Əliyev Moskvaya səfər edəcək və mayın 9-da Böyük Vətən müharibəsində qələbənin 65 illiyi ilə bağlı keçiriləcək bayram tədbirlərində iştirak edəcək.
- Azərbaycan Prezidenti mayın 8-də Moskvada keçiriləcək MDB dövlət rəhbərlərinin qeyri-formal sammitində iştirak edəcəkmi?
- Mayın 8-i Ermənistan Silahlı Qüvvələrinin Azərbaycanın qədim şəhəri olan Şuşanı işğal etdiyi gündür. Azərbaycan xalqının belə bir faciəli günündə işğalçı ölkənin prezidenti S.Sarkisyanla hər hansı tədbirlərdə birgə iştirak Azərbaycan tərəfi üçün qəbuledilməzdir.