Gürcüstan, Tbilisi, 11 may /Trend, müxbir N.Kirsxaliya/
Avropa İttifaqının (Aİ) Cənubi Qafqaz üzrə xüsusi nümayəndəsi Piter Semnebi bu gün gecə Tbilisiyə gəlib. Semnebi Tbilisi aeroportunda jurnalistlərə bildirib ki, gəlişində məqsəd Gürcüstandakı seçkiqabağı vəziyyətlə tanış olmaqdır.
Mayın 30-da Gürcüstanda yerli özünüidarəetmə orqanlarına seçkilər keçiriləcək.
"Mən hakimiyyətin, siyasi partiyaların, seçki administrasiyasının nümayəndələri ilə görüşmək və seçkilərdən əvvəlki vəziyyəti müzakirə etmək niyyətindəyəm", - Semnebi bildirib. Onun sözlərinə görə, Aİ Gürcüstanda seçkilərin düzgün və obyektiv keçirilməsində maraqlıdır.
Səfər gedişində Semnebi Gürcüstanın münaqişəli regionlarında vəziyyətin öyrənilməsi ilə əlaqədar bir sıra görüşlər keçirəcək, eləcə də Aİ-nin müşahidə missiyasının işi ilə tanış olacaq.
Aİ-nin Cənubi Qafqaz üzrə xüsusi nümayəndəsi Tbilisiyə gəlib
Avropa İttifaqının (Aİ) Cənubi Qafqaz üzrə xüsusi nümayəndəsi Piter Semnebi bu gün gecə Tbilisiyə gəlib. Semnebi Tbilisi aeroportunda jurnalistlərə bildirib ki, gəlişində məqsəd Gürcüstandakı seçkiqabağı vəziyyətlə tanış olmaqdır.
