Azərbaycan, Bakı, 20 may /Trend, müxbir K.Zərbalıyeva/
Müdafiə Nazirliyinin mətbuat xidmətinin cümə axşamı yaydığı məlumata görə, Azərbaycan - Türkiyə ikitərəfli əməkdaşlıq planına əsasən, mayın 23-30-da İstanbulda hər iki dövlətin qoşun növləri ixtisas məktəblərindən maddi-texniki təminat və taktika müəllimlərinin qarşılıqlı mübadiləsi aparılacaq.
Mayın 24-dən avqustun 8-dək Bursada Azərbaycan - Türkiyə ikitərəfli əməkdaşlıq planına əsasən,
partlayıcı axtarışı üzrə itlərə təlim (bomba axtarışı üzrə itlərin təlimatçısı) kursu keçiriləcək.
Mayın 24-30-da Ankarada Heydər Əliyev adına Azərbaycan Ali Hərbi Məktəbinin yüngül atletika komandası Türkiyə Respublikası Quru Qoşunları Hərbi Məktəbində keçiriləcək idman yarışlarında iştirak edəcək.
Azərbaycan - Türkiyə ikitərəfli əməkdaşlıq planına əsasən, Azərbaycan hərbçiləri tank əleyhinə tağımın idarə edilməsi, əzələ-oynaq şişlərinin cərrahiyyəsi və hərbi sərbəst paraşütlə tullanma kurslarında iştirak edəcəklər.