Azərbaycan Cənubi Qafqazdakı vəziyyətin bütün mürəkkəbliyinə baxmayaraq, dialoqa köklənib. Bu barədə Azərbaycan Prezident Administrasiyasının Siyasi analiz və informasiya təminatı şöbəsinin müdiri Elnur Aslanov cümə axşamı Moskvada bəyan edib. İTAR-TASS xəbər verir.
"Azərbaycanda erməni dilində informasiya agentliyi və televiziya fəaliyyət göstərir". - "Cənubi Qafqaz ölkələrində sosial-iqtisadi inkişaf: problemlər və perspektivlər" adlı beynəlxalq elmi-praktik konfransda çıxış edərkən o qeyd edib. - "Beləliklə, biz öz mövqeyimizi Dağlıq Qarabağ sakinlərinə və Azərbaycanla qonşu olan şəhər və rayonlaradək çatdırmaq istəyirik. Cənubi Qafqazda vəziyyətin mürəkkəbləşdiyi şəraitdə, bütün çətinliklərə baxmayaraq, Azərbaycan bu gün dialoqa hazırdır".
Moskvada elmi-praktik konfrans Azərbaycan Prezidenti yanında Strateji Araşdırmalar Mərkəzinin, MDU-nun tarix fakültəsinin, Rusiya Dövlət Humanitar Universitetinin, "Alternativ" Aktual Araşdırmalar Mərkəzinin (Qazaxıstan) dəstəyi ilə keçirilir. İştirakçılar regional vəziyyətin problemlərini, iki ölkə ekspert cəmiyyətləri arasında elmi-analitik əməkdaşlığa dair perspektiv layihələri müzakirə edirlər.