Аzərbaycan,Bakı, 21may /Trend, müxbir S.Ağayeva/
Dağıstan Muxtar Respublikasının Prezidenti Maqomedsalam Maqomedov Azərbaycana səfər edəcək.
Səfər mayın 24-25-nə nəzərdə tutulub. Bu barədə Dağıstan Respublikasının Azərbaycandakı nümayəndəliyindən Trend-ə bildiriblər.
Səfər çərçivəsində Maqomedovun Azərbaycanın Prezidenti, Baş naziri, Milli Məclisin spikeri ilə görüşü planlaşdırılıb. "Dağıstan Prezidenti Azərbaycana səfərinin ikinci günü ölkənin şimal rayonlarına baş çəkəcək", - nümayəndəlikdən verilən məlumatda bildirilir.
İkitərəfli danışıqların yekununa əsasən, iki ölkə arasındakı ticari-iqtisadi, elmi-texniki və mədəniyyət sahəsində əməkdaşlıq haqqında saziş imzalanacaq.
Həmçinin mayın 24-də Bakıda bu il 50 illik yubileyi qeyd olunacaq "Ləzginka" Dağıstan Dövlət ansamblının konserti təşkil olunacaq.