Gürcüstan, Tbilisi, 24 may /Trend, müxbir N.Kirsxaliya/
Gürcüstanın Mərkəzi Seçki Komissiyasına 30 may seçkilərində monitorinqin həyata keçirilməsində iştirak etmək istəyən təşkilatlar üçün ərizələrin qəbulu başa çatıb.
MSK-da qeydiyyatdan keçmək üçün 28 beynəlxalq və 36 yerli təşkilat müraciət edib və artıq onlar qeydiyyatdan keçib. Gürcüstan MSK-dan Trend-ə bu haqda xəbər verilib. Bu günlərdə onlar komissiyaya müşahidəçilərin adları olan siyahını təqdim etməlidirlər.
Yerli təşkilatlar siyahıları mayın 25-i, beynəlxalq təşkilatlar isə mayın 28-nə kimi təqdim etməlidirlər.