Gürcüstan, Tbilisi, 25 may /Trend, müxbir N.Kirsxaliya/
Gürcüstan və Avropa İttifaqı (Aİ) arasında viza rejiminin sadələşdirilməsi məsələsi Aİ-nin "Şərq tərəfdaşlığı" proqramının iştirakçıları olan ölkələrin xarici işlər nazirlərinin Sopotdakı qeyri-formal görüşündə müzakirə olunub.
Görüşdə Gürcüstanı təmsil edən Gürcüstanın Baş nazirinin müavini, Avropaya inteqrasiya məsələləri üzrə dövlət naziri Georgi Baramidzenin bəyanatına görə, razılaşma iyun ayında imzalanacaq.
Sopotda Aİ-nin 27 ölkəsinin və "Şərq tərəfdaşlığı" proqramının iştirakçıları olan ölkələrin nümayəndələri biraraya gəlib.
"Gürcüstan üçün "Şərq tərəfdaşlığı" proqramının inkişafı praktiki əhəmiyyətə malikdir. Bu, sadələşdirilmiş viza rejiminin sənədləşdirilməsi ilə bağlıdır. Bundan başqa, azad ticarət barədə razılaşmanı nəzərdə tutan assosiasiyalaşma haqqında sazişin mövcud olması vacibdir", - Baramidze deyib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
