Azərbaycan hökuməti "Doktoranturaların yaradılması və doktoranturaya qəbul qaydaları"nı təsdiq edib

Azərbaycan, Bakı, 6 iyul  /Trend, müxbir T.Hacıyev/

Azərbaycanın Nazirlər Kabineti doktoranturaların yaradılması və doktoranturaya qəbul qaydalarını təsdiq edib. Trend-in Nazirlər Kabinetinin internet-saytına istinadən verdiyi məlumata görə, qərarın imzalanması ilə "Doktoranturaların yaradılması və doktoranturaya qəbul qaydaları" təsdiq edilib.

Qərar "Təhsil haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanının 1.15-ci bəndinin icrasını təmin etmək məqsədi ilə imzalanıb.