Azərbaycan, Bakı, 14 iyul /Trend, müxbir M.Əliyev/
Azərbaycanın müdafiə naziri general-polkovnik Səfər Əbiyev iyulun 14-də Polşanın ölkəmizdəki fövqəladə və səlahiyyətli səfiri Kşiştof Krayevskini qəbul edib.
Müdafiə naziri səfirlik müddətini başa vuran diplomata ikitərəfli hərbi əməkdaşlıq münasibətlərinin inkişafında göstərdiyi xidmətlərə görə öz təşəkkürünü bildirib, - məlumatı çərşənbə günü Müdafiə Nazirliyinin mətbuat xidməti yayıb.
Görüşdə regionda mövcud hərbi-siyasi vəziyyət və Dağlıq Qarabağ münaqişəsi ətrafında fikir mübadiləsi aparılıb.