Özbəkistan, Daşkənd, 14 iyul /Trend, müxbir D.Əzizov/
Almaniyanın xarici işlər naziri Qido Vestervelle iyulun 15-də Özbəkistana işgüzar səfər edəcək. Bu barədə Almaniya səfirliyindən verilən məlumatda deyilir.
Vestervelle cümə axşamı günün ikinci yarısında Özbəkistanda olacaq. O, Daşkənddə həmkarı - Özbəkistanın xarici işlər naziri Vladimir Norovla görüşəcək.
Tərəflər arasında danışıqların mövzularından biri, gözlənildiyi kimi, Qırğızıstanın cənubunda vəziyyət, xüsusilə də yaxın günlərdə ölkənin cənubunda baş verən iğtişaşlarla bağlı regionda qaçqınların vəziyyəti olacaq.