Gürcüstan, Tbilisi, 8 oktyabr /Trend, müxbir N.Kirsxaliya/
Gürcüstanın Parlament nümayəndə heyəti ATƏT Parlament Assambleyasının payız sessiyasında iştirak edəcək. Parlamentin mətbuat xidmətindən verilən məlumata görə, nümayəndə heyətinə vitse-spiker Gigi Sereteli rəhbərlik edir.
ATƏT PA sessiyası oktyabrın 8-11-də Siciliyanın Palermo şəhərində keçiriləcək. Orada 50-dən çox ölkədən 200-ə yaxın nümayəndə iştirak edəcək.
İclasın gündəliyinə mütəşəkkil cinayətkarlıq, korrupsiya, insan alveri və narkotik cinayətlərlə mübarizə kimi məsələlər daxil edilib. Həmçinin, qəbul edilməsindən 10 il sonra "Palerma konvensiyası"nın nəticələri təhlil olunacaq.