Gürcüstan, Tbilisi, 12 oktyabr /Trend, müxbir N.Kirsxaliya/
Azərbaycanın xarici işlər naziri Elmar Məmmədyarov Gürcüstana səfəri çərçivəsində bu ölkənin Prezidenti Mixail Saakaşvili ilə görüşəcək. Gürcüstan XİN-dən Trend-ə bildirildiyi kimi, Məmmədyarovun həmçinin Baş nazir Nika Qilauri, xarici işlər naziri Qriqol Vaşadze və parlamentin vitse-spikeri ilə görüşləri planlaşdırılır.
Görüşlərdə Azərbaycan-Gürcüstan ikitərəfli və hərtərəfli münasibətlərinin aktual məsələləri və iki ölkə arasında gələcək inkişaf strategiyasının prioritet istiqamətləri müzakirə olunacaq.
Elmar Məmmədyarov oktyabrın 14-də Gürcüstana ikigünlük səfər edəcək.