Azərbaycan, Bakı, 15 oktyabr /Trend, müxbir K. Zərbalıyeva/
Azərbaycan Dövlət Sərhəd Xidməti (DSX) cənub bölgəsindəki sərhəd zastavasında baş vermiş silahlı insidentin səbəblərini açıqlayıb.
DSX mətbuat xidmətinin cümə günü yaydığı məlumata görə, oktyabrın 13-də Göytəpə Sərhəd Dəstəsinin "N" saylı sərhəd zastavasında 19 yaşlı Samir Eldar oğlu Abbasov ehtiyatsızlıq nəticəsində atəş açaraq əsgər yoldaşı, 2010-cu ilin yanvarında həqiqi hərbi xidmətə çağırılmış 19 yaşlı Pərvin Natiq oğlu Heydərovu yaralayıb. Güllə yarası alan əsgər dünyasını dəyişib.
Abbasov 2009-cu ilin oktyabrında Tovuz Rayon Hərbi Komissarlığından həqiqi hərbi xidmətə çağırılıb.
Faktla bağlı Hərbi Prokurorluq tərəfindən cinayət işi başlanılıb, istintaq aparılır.