Azərbaycan, Bakı, 9 sentyabr /Trend/
Cümə günü İnterpol Müəmmər Qəddafi, onun oğlu Seyf əl-İslam və Liviya hərbi kəşfiyyatının keçmiş direktoru Abdullah əs-Sənusinin həbsinə order verib. Trend-in məlumatına görə, bu barədə İnterpolun bəyanatında deyilir. Məlumatı Ria Novosti yayıb.
Cümə axşamı Beynəlxalq Cinayət Məhkəməsinin prokuroru Luis Moreno-Okampo Qəddafi haqqında "qırmızı bülleten" çıxarılmasını tələb edib. Şəxs haqqında "qırmızı bülleten" çıxarılması onun ən çox axtarılan şəxslər siyahısına daxil edilməsi deməkdir.