Azərbaycan, Bakı, 15 sentyabr /Trend/
Azərbaycan Prezidenti İlham Əliyev Tamerlan Elmar oğlu Qarayevin Azərbaycan Respublikasının İndoneziya Respublikasında fövqəladə və səlahiyyətli səfiri təyin edilməsi haqqında sərəncam imzalayıb.
Prezidentin digər sərəncamı ilə Qarayev Azərbaycan Respublikasının Hindistan, Şri Lanka, Nepal, Maldiv və Banqladeşdə fövqəladə və səlahiyyətli səfiri vəzifələrindən geri çağırılıb.
Azərbaycan Prezidenti İlham Əliyev İbrahim Əsəd oğlu Hacıyevin Azərbaycan Respublikasının Hindistan Respublikasında fövqəladə və səlahiyyətli səfiri təyin edilməsi haqqında da sərəncam imzalayıb.
Prezidentin digər sərəncamı ilə Hacıyev Azərbaycan Respublikasının İndoneziya, Timor-Leste, Filippində fövqəladə və səlahiyyətli səfiri və Cənub-Şərqi Asiya Dövlətləri Assosiasiyası (ASEAN) yanında daimi nümayəndəsi vəzifələrindən geri çağırılıb.