Azərbaycan, Bakı, 20 sentyabr /Trend/
Azərbaycan Prezidenti İlham Əliyev Malta Respublikasının Prezidenti Corc Abelaya təbrik məktubu ünvanlayıb.
"Ölkənizin milli bayramı - Müstəqillik günü münasibətilə Sizə və xalqınıza ən səmimi təbriklərimizi yetirməkdən məmnunluq duyuram.
Əminəm ki, Azərbaycan-Malta münasibətlərinin inkişafı, dostluq və əməkdaşlıq əlaqələrimizin möhkəmlənməsi və genişlənməsi daim xalqlarımızın mənafelərinə xidmət edəcəkdir", - təbrikdə deyilir.
İlham Əliyev Corc Abelaya möhkəm cansağlığı, işlərində uğurlar, dost Malta xalqına sülh və firavanlıq arzulayıb.