Azərbaycan, Bakı, 4 dekabr / Trend müxbir T.Cəfərov/
İranda səfərdə olan Azərbaycan Prezident Administrasiyasının İctimai-siyasi məsələlər şöbəsinin müdiri Əli Həsənov ötən gün İranın Dövlət televiziyasının rəhbəri İzzətullah Zərğami ilə görüşüb.
Trend-in məlumatına görə, bu barədə İran televiziyasının rəsmi xəbər saytı məlumat verir.
Görüşdə Azərbaycan və İran arasında mətbuat sahəsində əməkdaşlıq prespektivliyi, mətbuat sahəsində əməkdaşlıqların artırılması, xəbər mübadiləsi, hər iki ölkənin KİV-lərinin digər ölkədə fəaliyyəti üçün şəraitin yaradılması, film və serialların istehsalı və həmçinin sərhəd boyu televiziya və radioların tezliklərinin digər ölkənin ərazisinə keçməsinin qarşısının alınması kimi məsələlər müzakirə olunub.
Əli Həsənovun başçılıq etdiyi nümayəndə heyətinin İrana səfəri dekabrın 2-də başlayıb. Səfər dekabrın 5-də başa çatacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
