Azərbaycan, Bakı, 5 dekabr /Trend, müxbir E.Tariverdiyeva/
Azərbaycanın Çindəki səfiri Lətif Qəndilov etimadnaməsini Çin Xalq Respublikasının (ÇXR) Sədri Hu Szintaoya təqdim edib. Bu barədə bazar ertəsi Trend "Xinhua" agentliyinə istinadən məlumat verir.
ÇXR Sədri bazar ertəsi 6 xarici ölkənin səfirinin etimadnaməsini qəbul edib.
Kuba, Cibuti, Gürcüstan, Liberiya və Anqolanın səfirləri də etimadnamələrini təqdim ediblər.
Azərbaycan Prezidenti İlham Əliyev 2011-ci il avqustun 16-da Lətif Seyfəddin oğlu Qəndilovun Azərbaycanın Çində fövqəladə və səlahiyyətli səfiri təyin edilməsi haqqında sərəncam imzalayıb. Qəndilov əvvəl Qazaxıstanda səfir vəzifəsində çalışıb.