Azərbaycan, Bakı, 30 mart / Trend müxbir K.Zərbalıyeva/
Azərbaycan hərbiçiləri ABŞ və Türkiyə ilə birgə əməkdaşlıq çərçivəsində keçiriləcək tədbirlərdə iştirak edəcəklər.
Azərbaycan Müdafiə Nazirliyinin mətbuat xidmətindən Trend-ə verilən məlumata görə, Azərbaycan-ABŞ iş planına əsasən, aprelin 9-dan 20-dək Bakıda əldə qayırılmış partlayıcı qurğulara qarşı mübarizə, əməliyatlar və partlayışdan sonrakı təhlil prosesi keçiriləcək.
Hərbiçilərimiz aprelin 3-5-də isə Rumuniyada keçiriləcək peşəkar çavuş heyətinin hazırlanması kursuna qatılacaqlar.
Azərbaycan-Türkiyə ikitərəfli əməkdaşlıq planına əsasən, aprelin 2-dən mayın 11-dək İstanbulda zabitlər üçün kimyəvi, bioloji, radioloji və nüvə silahlarından müdafiə üzrə təməl kursu işə başlayacaq.
Zabitlərimiz aprelin 8-dən iyulun 7-dək Türkiyədə zabitlər üçün təməl və səhrada tibb xidmətləri stajı keçəcəklər.
Azərbaycan hərbiçiləri ABŞ və Türkiyə ilə əməkdaşlıq çərçivəsində keçiriləcək beynəlxalq tədbirlərdə iştirak edəcəklər
Azərbaycan hərbiçiləri ABŞ və Türkiyə ilə birgə əməkdaşlıq çərçivəsində keçiriləcək tədbirlərdə iştirak edəcəklər.
