Gürcüstan, Tbilisi, 6 iyun / Trend, müxbir N.Kirsxaliya/
ABŞ dövlət katibi Hillari Klintonun təyyarəsi Batumi aeroportundan Bakıya uçub. Bununla da Klintonun Gürcüstana iki günlük səfəri başa çatıb.
Klinton aeroporta Gürcüstan Prezidenti Mixail Saakaşvilinin müşayiəti ilə gəlib. Onlar 15 dəqiqə təyyarənin pilləkənləri yanında söhbət ediblər, daha sonra xatirə şəkli çəkdiriblər.
Dövlət katibi Batumiyə iyunun 4-də axşam gəlib. İyunun 5-də o rəsmi görüşlər keçirib və Gürcüstanla ABŞ arasında strateji əməkdaşlıq komissiyasının iclasında iştirak edib.
Axşam isə şam yeməyi və Batumidə gecə gəzintisi ilə səfərin qeyri-rəsmi hissəsi keçirilib.
ABŞ dövlət katibinin səfər çərçivəsində Azərbaycan Prezidenti İlham Əliyev və xarici işlər naziri Elmar Məmmədyarovla görüşləri planlaşdırılıb.
Klintonun səfəri zamanı regiondakı vəziyyət, strateji tərəfdaşlıq məsələləri və Dağlıq Qarabağ münaqişəsi, habelə enerji sahəsində əməkdaşlıq məsələlərinin müzakirəsi planlaşdırılıb.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
