Azərbaycan, Bakı, 18 iyun /Trend/
Moskvada keçirilən İranın nüvə problemi üzrə danışıqlar əvvəl planlaşdırılan kimi çərşənbə axşamı deyil, artıq bazar ertəsi başa çata bilər. Trend-in RİA Novosti-yə istinadən verdiyi məlumata görə, bu barədə bazar ertəsi İran nümayəndə heyətinin üzvü bildirib.
"Danışıqlar artıq bu gün başa çata bilər", - agentliyin həmsöhbəti deyib.
Moskvada "altılıq" ölkələri vasitəçilərinin iştirakı ilə Aİ-nin xarici işlər və təhlükəsizlik siyasəti üzrə ali nümayəndəsi Ketrin Eştonun İranın Ali Milli Təhlükəsizlik Şurasının katibi Səid Cəlili ilə İranın nüvə proqramı üzrə danışıqları keçirilir.