Azərbaycan, Bakı, 21 iyun /Trend, müxbirlər E.Tarıverdiyeva, M.Moezzi/
İran Mərkəzi Bankının (İMB) saytı kiberhücuma məruz qalıb ki, nəticədə bankın serveri dağılıb. Bu barədə Trend cümə axşamı ILNA agentliyinə istinadən məlumat verir.
Çərşənbə axşamı İMB-nin saytına daxil olmaq mümkün olmayıb.
İranın kəşfiyyat naziri Heydər Moslehi cümə axşamı bəyan edib ki, düşmənlər iyunun 18-19-da Moskvada keçirilən nüvə problemi üzrə danışıqlardan sonra kiberhücumları gücləndiriblər.
Bank bu məlumatı rəsmən təsdiqləməyib, lakin hələ iyunun 11-də İMB-nin rəhbəri Mahmud Bəhmani bildirmişdi ki, sayta hər gün 250-dək kiberhücum cəhdi olur.
Cümə axşamı səhər saatlarına yaxın İMB-nin saytı yenidən fəaliyyətə başlayıb.