Azərbaycan, Bakı, 22 iyun /Trend/
Azərbaycan Prezidenti İlham Əliyev Mirməmməd Cavadzadənin xatirəsinin əbədiləşdirilməsi haqqında sərəncam imzalayıb.
Sərəncamda qeyd olunur ki, Azərbaycanda urologiya elminin inkişaf etdirilməsi işinə böyük töhfələr vermiş görkəmli alim, akademik Mirməmməd Cavad oğlu Cavadzadənin xatirəsini əbədiləşdirmək məqsədilə Bakı Şəhər İcra Hakimiyyəti Mirməmməd Cavadzadənin yaşadığı binaya (Tərlan Əliyarbəyov küçəsi, 2) xatirə lövhəsinin vurulmasını təmin etsin.