Azərbaycan, Bakı, 25 iyun /Trend, müxbir S.Ağayeva/
Azərbaycan cümə günü Suriyada vurulan Türkiyə təyyarəsi ilə bağlı insidenti pisləyir. Trend-in məlumatına görə, bu barədə Azərbaycan XİN-in rəsmi nümayəndəsi Elman Abdullayev bazar ertəsi brifinqdə bəyan edib.
"Bu insident diqqətlə araşdırılmalıdır və daim qardaş Türkiyə xalqının yanında olan Azərbaycan insidentin tezliklə araşdırılmasına çağırır", - o deyib.
Abdullayev bildirib ki, bu insident regionda gərginliyin azalmasına kömək etmir.