Azərbaycan, Bakı, 8 avqust /Trend/
Azərbaycan Prezidenti İlham Əliyev Sinqapur Prezidenti Toni Tan Kenq Yama təbrik məktubu ünvanlayıb.
"Sinqapur Respublikasının milli bayramı münasibətilə Sizi və Sizin simanızda bütün xalqınızı öz adımdan və Azərbaycan xalqı adından təbrik edirəm.
Ümidvaram ki, Azərbaycan ilə Sinqapur arasında dostluq və əməkdaşlıq münasibətlərinin inkişafı daim xalqlarımızın mənafelərinə xidmət edəcəkdir", - təbrikdə deyilir.
İlham Əliyev Toni Tan Kenq Yama ən xoş arzularını yetirib, dost Sinqapur xalqına əmin-amanlıq və firavanlıq diləyib.