Azərbaycan, Bakı, 27 avqust /Trend, müxbir A.Tağıyeva/
Azad Suriya Ordusu bazar ertəsi bəyan edib ki, Dəməşq səmasında hökumət qoşunlarına məxsus vertolyotu vurub. Bu barədə Trend bazar ertəsi "əl-Ərəbiyyə" telekanalına istinadən məlumat verir.
Məlumatı Suriya hökuməti də təsdiq edib. Belə ki, Suriya dövlət informasiya agentliyi bildirib ki, vertolyot qiyamçılar tərəfindən vurulub.
Vertolyotun göyərtəsində ölənlər barədə məlumat daxil olmayıb.