Azərbaycan, Bakı, 2 oktyabr /Trend, müxbir E.Mehdiyev/
Dünya Azərbaycanlı Gənclər Birliyinin (DAGB) sədri, YAP Gənclər Birliyinin sədr müavini Ramin Məmmədov oktyabrın 5-də Malayziyanın paytaxtı Kuala Lumpur şəhərində Asiya Siyasi Partiyaları Beynəlxalq Konfransının (ICAPP) Gənclərin məşvərət iclasında Azərbaycanı təmsil edəcək.
DAGB-dan Trend-ə verilən məlumata görə, səfər zamanı Malayziya Baş nazirinin müavini Muhiddin Bin Hj Mohd Yasin, ICAPP həmsədrləri Jose de Venesia və Çunq Eui-Yonq, Malayziyanın səhiyyə naziri Datuk Rosnah Binti Hj Abdul Raşid Şirlin, Kamboca Baş nazirinin müşaviri Yara Suos və digər ölkələrdən qatılan rəsmilərlə görüşlər gözlənilir.
Tədbir çərçivəsində ICAPP-ın Gənclər Birliyinin təsis edilməsi, Asiya Siyasi Partiyalarının gənc liderləri arasında əməkdaşlığın qurulması nəzərdə tutulur.