Azərbaycan, Bakı, 30 oktyabr /Trend, müxbirlər E.Tariverdiyeva, Q.Mehdi/
İran polisi martın 20-dən başlayan cari təqvim ilinin birinci yarısında ölkənin ərazi sularında qaçaqmalçılardan 10 tona yaxın narkotik maddə müsadirə edib. Trend-in məlumatına görə, bu barədə "Mehr" agentliyi İran Sahil Mühafizəsinin rəisi, briqada generalı Əli Məhəmməd Səlaminin sözlərindən sitat gətirib.
Onun sözlərinə görə, Xəzəryanı dövlətlər hər il dənizdə narkotik maddələrlə mübarizə üzrə görüşlər keçirir və görüş bu il də keçiriləcək.
"İran artıq bu məsələ üzrə bəzi qonşuları ilə saziş imzalayıb və hazırda Səudiyyə Ərəbistanı və Omanla saziş bağlamağa çalışır", - o qeyd edib.