Azərbaycan, Bakı, 18 yanvar /Trend/
Ermənistanda yerli vaxtla saat 20:00-da prezident seçkilərində səs vermək üçün bütün 1988 seçki məntəqəsi bağlanıb. Bu barədə Trend bazar ertəsi Ermənistan KİV-ə istinadən məlumat verir.
Ermənistan Mərkəzi Seçki Komissiyasının məlumatına əsasən, saat 17:00-a olan vəziyyətə görə, Ermənistanda prezident seçkilərində seçicilərin ümumi sayından 1 259 374 nəfər və ya 49,71 faizi səs verib.
Son məlumata görə, Ermənistan Prokurorluğuna seçkilər zamanı qanun pozuntuları ilə bağlı 15, birinci instansiya məhkəmələrinə isə 14 ərizə daxil olub.