Azərbaycan, Bakı, 19 fevral /Trend/
Rusiyanın baş naziri Dmitriy Medvedev Latın Amerikasına səfər edəcək. Trend-in RİA Novostiyə istinadən verdiyi məlumata görə, səfər çərçivəsində baş nazir Braziliyada və Kubada olacaq.
Məlumatda bildirilir ki, fevralın 20-21 tarixlərində Medvedevin və Braziliyanın vitse-prezidenti Mişel Timerin iştirakı ilə ikitərəfli əməkdaşlıq üzrə yüksək komissiyanın VI iclası keçiriləcək.
Bununla yanaşı, Medvedev Braziliyanın prezidenti Dilmo Rouseff və iri biznes nümayəndələrilə də görüşəcək.
Fevralın 21-22 tarixlərində isə Medvedev Kubada işgüzar səfərdə olacaq.