Azərbaycan, Bakı, 1 aprel /Trend/
ABŞ-ın hərbi qüvvələri Suriyaya müdaxilə imkanları ilə bağlı təlimlərə başlayıb. Trend-in İnterfaks-a istinadən verdiyi məlumata görə, amerikalı hərbçilər son həftələr ərzində kimyəvi silahın tətbiqinə qarşı hərbi fəaliyyət ssenarisi hazırlayır.
Məlumatda deyilir ki, əsas elementlərdən biri Suriyanın müxtəlif regionlarında yerləşən kimyəvi silahlara diqqətin yönəldilməsidir.
Qərb ölkələrinin hərbçilərinin sözlərinə görə, Suriyanın sərhədlərinin keçilməsi və kimyəvi silahların nəzarətə alınması fövqəladə çətin olacaq.
Bəzi hərbçilərin fikrincə isə, əgər ABŞ prezidenti Barak Obama kimyəvi silahların nəzarətə alınması üçün qərar verərsə, NATO üzvü olan ölkələrinin hərbçiləri Suriyaya müdaxilə edəcək.