Azərbaycan, Bakı, 3 aprel /Trend/
Bişkekdə Ümummilli lider Heydər Əliyevin şərəfinə park salınacaq. Trend-in məlumatına görə, bu barədə çərşənbə günü Türkdilli ölkələrin siyasətinə dəstək Fonduna istinadən "QırTAQ" agentliyi xəbər yayıb.
Aprel ayının 10-dan mayın 10-dək Qırğızıstan paytaxtında Heydər Əliyevin 90 illiyi münasibətilə bir sıra tədbirlər keçiriləcək.
"Bişkek meriyası tərəfindən verilən ərazidə Azərbaycanın Ümummilli lideri Heydər Əliyevin adını daşıyan parkın bünövrəsinin qoyulması planlaşdırılır", - məlumatda qeyd olunur.
Türkdilli dövlətlərin siyasətinə dəstək Fondunun dəvəti ilə azərbaycanlı millət vəkilləri və alimlərin tədbirlərdə iştirakı gözlənilir.