Azərbaycan, Bakı, 12 aprel /Trend, müxbir M.Əliyev/
Bakıda MDB müsəlmanları Məşvərət Şurasının 2-ci iclası və "MDB müsəlmanları sülh və stabil inkişaf tərəfdarlarıdır" mövzusunda beynəlxalq elmi-praktik konfrans keçiriləcək. Bu barədə cümə günü Trend-ə Qafqaz Müsəlmanları İdarəsinin (QMİ) mətbuat xidmətindən bildirilib.
QMİ sədri Şeyxülislam Allahşükür Paşazadənin sədri olduğu MDB müsəlmanları Məşvərət Şurasının iclası 16-17 aprel tarixlərində keçiriləcək.
İclasda Azərbaycandakı dini konfessiya nümayəndələri, hökumət və parlament üzvləri, elm və mədəniyyət xadimləri, Azərbaycanda akkreditə olunmuş diplomatik korpusun rəhbərləri iştirak edəcəklər.