Azərbaycan, Bakı, 19 aprel /Trend/
Ermənistanın müdafiə naziri vəzifəsini icra edən Seyran Ohanyan Litvaya rəsmi səfəri çərçivəsində litvalı həmkarı Yuozas Olekas ilə görüşüb.
Trend-in cümə günü Ermənistan KİV-ə istinadən verdiyi məlumata görə, tərəflər iki ölkə arasında hərbi əməkdaşlığı yüksək qiymətləndiriblər.
Görüşdə kiber-təhlükəsizlik, insan resurslarının idarə edilməsi və enerji təhlükəsizliyi sahələrində əməkdaşlığın yaradılması və inkişafı barədə razılaşmalar əldə edilib.
Tərəflər Aİ və NATO çərçivəsində əməkdaşlığın perspektivlərinin vacibliyini qeyd edib və regional təhlükəsizlik məsələlərinə dair fikir mübadiləsi aparıblar.