Azərbaycan, Bakı, 21 aprel /Trend/
ABŞ-da baş vermiş terror aktından sonra Almaniyanın daxili işlər naziri Hans-Peter Fridrix ictimai yerlərdə video müşahidə kameralarının sayının artırılmasına çağırış edib. Trend-in RBK-ya istinadən verdiyi xəbərdə deyilir ki, alman nazir ağır cinayətlərin üstünün açılması üçün video müşahidə kameralarının istifadəsinin vacibliyini qeyd edib.
O, xatırladıb ki, limanlarda və vağzallarda video müşahidə gücləndirilib.
Nazir eyni zamanda, bildirib ki, kütləvi tədbirlərdə 100 faizlik təhlükəsizliyi təmin etmək mümkün deyil.
"Əlbəttə ki, insanların sıx toplaşdığı yerlərdə potensial təhdidlərin olmasını inkar etmirik" - deyə Hans-Peter Fridrix əlavə edib.