Azərbaycan, Bakı, 22 aprel /Trend, müxbir A. Tağıyeva/
Türkiyənin Baş naziri Rəcəb Tayyib Ərdoğan ABŞ-ın səfərdən imtina çağırışına baxmayaraq, Qəzzaya getmək niyyətindədir. Trend-in məlumatına görə, bu barədə bazar ertəsi "Hürriyyət" qəzeti diplomatik mənbəyə istinadən xəbər verir.
"ABŞ-ın Qəzzaya səfərdən imtina çağırışı bizim üçün yeni bir şey deyil. Bu, Birləşmiş Ştatların normal reaksiyasıdır. Ərdoğanın səfər proqramı Vaşinqtonun reaksiyasına görə dəyişməyib" , - mənbə qeyd edib.
Qeyd edək ki, Ərdoğanın Qəzzaya səfəri mayın 16-da ABŞ-a rəsmi səfərindən sonra gözlənilir.