Azərbaycan, Bakı, 26 aprel /Trend/
Dəniz quldurlarının Ekvatorial Qvineya sahillərində Hansa Marburg yükdaşıyan gəmiyə hücumu nəticəsində rusiyalı dənizçilər oğurlanıb. Trend-in məlumatına görə, bu haqda Rusiyanın Nigeriyadakı səfirliyi məlumat yayıb.
Gəmi sahibi olan şirkətlərin məlumatına əsasən, hücum aprelin 22-də Malabo limanından 130 kilometr aralıda baş tutub. Dəniz quldurları rusiyalı, 3 ukraynalı və daha 2 Kiribati vətəndaşını əsir götürüblər.
Qeyd edək ki, gəmi Nigeriya bayrağı altında üzürdü. Gəmi sahibi olan şirkətlərin açıqlamalarına görə, əsir götürülənlərin azad edilməsi istiqamətində bütün səylər göstərilir.