Azərbaycan, Bakı, 26 aprel /Trend/
Rusiyanın Ermənistandakı hərbi bazasının yenidən təşkil edilməsi ilə əlaqədar erməni tərəfinə bəzi torpaq sahələri və daşınmaz əmlak obyektləri təhvil verilir.
Trend-in Ermənistan KİV-ə istinadən verdiyi məlumata görə, aprelin 24-26-da Yerevanda keçirilən Ermənistan-Rusiya dövlətlərarası komissiyasının iclasında torpaq sahələri və daşınmaz əmlak obyektlərinin təhvil-təslim aktları imzalanıb.
Ermənistan müdafiə nazirinin birinci müavini David Tonoyan Rusiya müdafiə nazirinin köməkçisi, general-polkovnik Valeri Yevneviçi qəbul edib.
Görüş zamanı ikitərəfli hərbi əməkdaşlıq, Ermənistanda yerləşən Rusiya hərbi bazasının hərbi-hava komponentinin optimallaşdırılması və müasirləşdirilməsinə dair məsələlər müzakirə edilib.