Azərbaycan, Bakı, 27 aprel /Trend/
ABŞ Prezidenti Barak Obama Amerika kəşfiyyatından Suriya hakimiyyətinin kimyəvi silahdan mümkün istifadə etməsi haqqında alınmış məlumatın diqqətlə araşdırılacağına söz verib. Bu barədə Trend RİA Novosti-yə istinadən məlumat verir.
"Biz müxtəlif dərəcəli əminliklə kimyəvi silahdan istifadə faktı barədə danışa bilərik, lakin necə, nə vaxt və harada həmin silah istifadə olunub kimi suallar yaranır", - Obama bildirib.
Prezident qeyd edib ki, hazırda ABŞ hakimiyyətindəki məlumatlar ilkindir və bundan sonrakı araşdırmanın aparılmasını tələb edir.