Gürcüstan, Tbilisi, 27 aprel /Trend, müxbir N.Kirsxaliya/
NATO indi Gürcüstana hava kimi lazımdır. Trend-in məlumatına görə, bunu Gürcüstan Prezidenti Mixail Saakaşvili ABŞ-ın vitse-prezidenti Cozef Baydenlə görüşündən sonra deyib.
ABŞ-da işgüzar səfərdə olan Saakaşvili bir sıra görüşlər keçirir.
"Bu gün mənim ABŞ vitse-prezidenti ilə Gürcüstanın NATO-ya inteqrasiyasının sürətləndirilməsi və ABŞ ilə azad ticarət haqqında sazişə dair söhbətim oldu, - o bildirib. - Vitse-prezident qeyd etdi ki, ABŞ bizi tərk etməyib və bu, şəxsən mənim üçün çox vacibdir".