Azərbaycan, Bakı, 28 aprel /Trend/
Yaponiyanın baş naziri Sindzo-Abe Rusiya prezidenti Vladimir Putinin dəvətilə bu ölkəyə rəsmi səfərə gəlir. Trend-in RBK-ya istinadən verdiyi məlumata görə, aprelin 29-da Rusiya prezidenti Vladimir Putin və Yaponiyanın baş naziri Sindzo-Abe arasında danışıqlar olacaq.
Məlumatda deyilir ki, ali səviyyədə keçiriləcək görüşlərdə iki ölkənin kompleks münasibətləri və onların perspektiv inkişaf istiqamətləri müzakirə ediləcək.
Qeyd edək ki, Rusiya-Yaponiya münasibətləri dinamik inkişafı ilə fərqlənir. İki ölkə arasında daimi siyasi dialoq mövcuddur.
Danışıqlarda iki ölkənin ticarət-iqtisadiyyat, investisiya və enerji sferalarında əməkdaşlığı əsas müzakirə predmeti olacaq.