Azərbaycan, Bakı, 30 aprel /Trend, müxbir İ.İzzət/
Azərbaycanla NATO arasında imzalanmış "Sülh Naminə Tərəfdaşlıq" (SNT) proqramı çərçivəsində mayda Azərbaycan və ABŞ hərbçiləri arasında bir sıra tədbirlər təşkil ediləcək.
Bu barədə Trend-ə Müdafiə Nazirliyinin mətbuat xidmətinin rəhbəri, polkovnik Eldar Sabiroğlu məlumat verib.
"Sülh Naminə Tərəfdaşliq" (SNT) proqramı çərçivəsində, Fərdi Tərəfdaşliq Proqramı əsasında Azərbaycan-ABŞ ikitərəfli əməkdaşlıq planına əsasən müdafiə idarəçiliyi səhəsində məsələlər üzrə seminar keçiriləcək. Seminar mayın 6-dan 10-dək ABŞ-ın Monterrey şəhərində baş tutacaq.
Bundan əlavə, proqram çərçivəsində Azərbaycan-ABŞ ikitərəfli əməkdaşlıq planına əsasən "Combined Endeavor-2013" təliminin növbəti planlaşdırma konfransı keçiriləcək. Konfrans mayın 7-8-də İtaliyanın Neapol şəhərində təşkil ediləcək.