Azərbaycan, Bakı, 18 fevral /Trend, müxbir R.Hafizoğlu/
Ankarada Türkiyənin Milliyyətçi Hərəkat Partiyasının (MHP) sıralarını partiyanın 30 üzvü tərk edib. Trend-in məlumatına görə, bu barədə çərşənbə axşamı "Anadolu" agentliyi xəbər yayıb.
Bu addıma səbəb onların partiyanın yürütdüyü siyasətdən narazılığı, eləcə də seçkiqabağı strategiyasıdır.
Türkiyədə bələdiyyə seçkiləri bu il martın 30-da keçiriləcək.
Gözlənildiyinə görə, seçkilərdə əsas mübarizə Milliyyətçi Hərəkat Partiyası ilə hakim Ədalət və İnkişaf Partiyası (AKP) arasında olacaq.