Azərbaycan, Bakı, 22 fevral /Trend/
"Maydanın özünümüdafiəsi" dəstələri Kiyevdəki bütün hökumət məhəlləsini nəzarət altına alıblar. Belə bir bəyanatla "Batkivşina" fraksiyasından xalq deputatı Andrey Parubi çıxış edib. Trend-in məlumatına görə, bu barədə RBK xəbər yayıb.
"Bütün hökumət məhəlləsi nəzarətimiz altındadır". Onun sözlərinə görə, etirazçıların dəstələri "Sağ sektor"un üzvləri ilə birlikdə Ali Radanı, Nazirlər Kabinetini, Prezident Administrasiyasını və DİN-in Baş İdarəsini təxribatçılardan mühafizə edirlər.
Parubi onu da bildirib ki, "Maydanın özünümüdafiəsi" milis işçilərinə paytaxt küçələrində birgə patrul xidməti göstərməyi təklif edib. Deputat artıq 30-a yaxın milis işçisinin razılıq verdiyini bildirib. Patrulların hamısı qollarına sarı-mavi lentlər gəzdirirlər. Bu patrullar təxribatçılar tərəfindən soyğunçuluğa yol verilməməsi üçün təşkil olunublar.
Nümayişçilər Kiyevdəki bütün hökumət idarələrini nəzarət altına alıblar
"Maydanın özünümüdafiəsi” dəstələri Kiyevdəki bütün hökumət məhəlləsini nəzarət altına alıblar.
