Azərbaycan, Bakı, 22 fevral /Trend/
Ukrayna Ali Radası daxili işlər nazirinin səlahiyyətlərinin müvəqqəti icrasını müxalif Batkivşina Partiyasının deputatı Arsen Avakova tapşırıb.
Trend RİA Novosti-yə istinadən xəbər verir ki, A.Avakov Kiyevdə qarşıdurmalar zamanı müxalifətin fəaliyyətinə rəhbərlik edənlərdən biri olub.
Avakov bu posta yeganə namizəd olub, onun namizədliyini iclas zalında olan 324 deputatdan 275-i dəstəkləyib. Ali Radanın spikeri Aleksandr Turçinov səsvermədən əvvəl bildirib ki, Avakovun təyinatı koalisiya hökumətinin formalaşdırılmasına qədər müvəqqətidir.