Azərbaycan, Bakı, 10 may /Trend, müxbir Elçin Mehdiyev/
"Bütün Azərbaycan xalqı ümummilli lider Heydər Əliyevin anadan olmasının 92-ci ildönümünü qeyd edir, onun xatirəsini yada salır. Müasir Azərbaycan dövləti ümummilli liderin yaratdığı ən böyük əsərdır".
Trend-in məlumatına görə, bunu jurnalistlərə Azərbaycan Prezidentinin ictimai-siyasi məsələlər üzrə köməkçisi Əli Həsənov deyib.
Ə.Həsənov bildirib ki, Azərbaycan Respublikası, Azərbaycan xalqı durduqca, onun ruhu da bu xalqın, bu dövlətin başı üstündə yaşayacaqdır: "Ona görə bugünkü tədbirlər də dünəndən başlayan Qələbə Günü ilə bağlı tədbirlərə qarışaraq, ümummilli liderin ruhunun yad edilməsi istiqamətində ümumxalq, ümummilli tədbirlərə çevrilib".